Statusi ligjor i alkoolit e bën atë të thjeshtë për t’u blerë dhe për tu abuzuar kur arrihet mosha e lejuar. Alkooli është një prej drogërave të para me të cilat njerëzit angazhohen, prandaj konsiderohet si një portë drejt drogërave. Në fakt, një studim i vitit 2012 tregoi që alkooli përdorej më shumë se sa kanabisi mes grupmoshës së re.
Kjo përbën problem kur shoqërohet me aksesin e thjeshtë të tij dhe potencialin për të shkaktuar varësi. Kjo mund t’i drejtojë shumë konsumatorë drejt kuptimit të shndërrimit të alkoolit në problem dhe i shtyn ata të kërkojnë ndihmë për alkoolizmin. Ky artikull diskuton varësinë ndaj alkoolit, identifikimin e saj dhe mësimin e hapave që duhen ndërmarrë për t’u përballuar me simptomat dhe trajtimin e tyre. Ndihma për të alkoolizuarit nuk është larg.
Ҫfarë është varësia ndaj alkoolit?
Varësia ndaj alkoolit e njohur ndryshe si alkoolizëm apo çrregullimi i përdorimit të alkoolit (AUD), përkufizohet si varësia e shkaktuar nga kjo substancë. Kjo varësi është zakonisht fizike dhe psikologjike. Për funksionimin normal të tij, trupi ka nevojë për substancën kur është i varur prej saj. Zhvillimi i një varësie ndaj pijes është relativisht më e thjeshtë krahasuar me drogërat e tjera. Kjo nuk vjen si pasojë e potencialit për të shkaktuar varësi, por për shkak të disponueshmërisë së gjerë. Kufizimi i vetëm i blerjes së alkoolit është mosha. Sapo një individ arrin moshën e lejuar, nuk ka limit në sasinë e alkoolit që mund të blejë.
Pasi të jetë zhvilluar një varësi e plotë, të përpiqesh të ndalosh abuzimin me alkoolin është e vështirë. Kjo ndodh pasi alkoolisti fillon të ketë dëshira dhe simptoma të ndërprerjes kur përpiqet të ndalojë konsumin. Disponueshmëria e substancës e bën edhe më të thjeshtë rikthimin tek substanca. Për këtë arsye trajtimi i alkoolizmit kërkon shërbime të specializuara të varësisë ndaj alkoolit.
Cilat janë simptomat dhe shenjat e varësisë ndaj alkoolit?
Alkoolizmi prezantohet me karakteristika të caktuara. Këto shenja dhe simptoma të abuzimit të alkoolit mund të përdoren për të identifikuar individët të cilët kanë probleme me abuzimin e tij. Gjithashtu këto karakteristika mund të ndihmojnë në vetë-diagnostikim. Këtu përfshihen si më poshtë:
- Dëshira e vazhdueshme për alkool.
- Përjetimi i simptomave të ndërprerjes pas shkëputjes nga alkooli.
- Shpenzimi i kohës dhe parave me përdorimin e alkoolit dhe rikuperimin ndaj efekteve të tij.
- Dështimi në kryerjen e përgjegjësive në vendin e punës, shkollës apo në shtëpi për shkak të abuzimit me alkoolin.
- Konsumimi i alkoolit mbi sasinë e synuar fillimisht.
- Largimi nga aktivitetet më parë të këndshme për të lejuar përdorimin e alkoolit.
- Dështimi në ndërprerjen ose reduktimin e konsumimit të alkoolit edhe pas kuptimit të nevojës për ndihmë për të.
- Zhvillimi i tolerancës ndaj alkoolit.
- Përdorimi i vazhdueshëm i alkoolit edhe pse përkeqëson dukshëm shëndetin.
- Përdorimi i vazhdueshëm i alkoolit edhe pse ai shkakton probleme me marrëdhëniet sociale.
Këto 11 shenja janë të gjitha pjesë e kritereve të përshkruara nga psikologët. Nëse të paktën 2 prej tyre janë të pranishme brenda 12 muajve, individi mund të diagnostikohet me çrregullim të përdorimit të alkoolit.
Cilat janë shkaqet e alkoolizmit?
Përdorimi i shpeshtë i alkoolit shkakton një sërë ndryshimesh në tru dhe në neurotransmetuesit e tij. Përdorimi i tij ndryshon mënyrën se si lëshohen neurotransmetuesit si dopamina dhe serotonina. Këto janë të rëndësishme për qarqet e shpërblimit.
Disa individë mund të pinë të njëjtën sasi alkooli, por jo të gjithë do të zhvillojnë çrregullim të përdorimit të alkoolit. Kjo është për shkak se disa individë janë të predispozuar për këtë gjendje si pasojë e faktorëve të caktuar. Këtu përfshihen:
- Predispozimi gjenetik
- Faktorët ambiental
- Ekspozimi ndaj alkoolit në moshë të re
- Historiku i varësisë apo përdorimit të drogës
- Ҫrregullimet mendore të diagnostikuara më parë
- Traumat në fëmijërinë e herëshme
Cilat janë efektet e abuzimit me alkoolin?
Shumë nga efektet e alkoolit janë të dëshiruara nga individët që e konsumojnë atë. Megjithatë, përtej nocionit se alkooli është i sigurt, ka disa efekte anësore afatshkurtra dhe afatgjata që kërkojnë vëmendje. Këto efekte anësore, veçanërisht ato afatgjata, tregojnë se përse këta individë duhet të kërkojnë ndihmë për varësinë ndaj alkoolit para se të jetë tepër vonë.
Efektet afatshkurtra të abuzimit me alkoolin
Efektet afatshkurtra të abuzimit me alkoolin shihen më së miri tek një individ që është i dehur. Megjithatë, shtrirja e përgjithshme e simptomave të dukshme varet nga shkalla në të cilën personi është i dehur. Këtu përfshihen efektet e mëposhtme:
- Funksioni kognitiv i dëmtuar
- Aftësi e dobët vendimmarrëse
- Koordinim i dobët i gjymtyrëve
- E folur e paqartë
- Dëmtime në formimin e kujtesës afatshkurtër
- Pavetëdije
- Nause
- Të vjella
Në doza jashtëzakonisht të larta, alkooli mund të vrasë. Gjithashtu mund të shkaktojë disa efekte anësore shumë të rënda. Kjo nënvizon edhe një herë se si marrja e ndihmës për alkoolin është e rëndësishme kur bëhet sa më shpejt që të jetë e mundur. Këtu përfshihen:
- Depresioni respirator
- Ulja e ndjeshme e rrahjeve të zemrës
- Amnezia anterogradë
- Mbytja me përmbajtjen e stomakut
- Vdekja
Efektet afatgjata të abuzimit me alkoolin
Kur përdoret për një kohë mjaft të gjatë, efektet anësore të abuzimit me alkoolin arrijnë një agravim të rëndë. Mund të dëmtojë në mënyrë të pakthyeshme disa sisteme trupore. Edhe pasi një i varur nga alkooli merr ndihmë për alkoolizmin, disa nga këto efekte mund të jenë tashmë të pranishme. Këtu perfshihen:
- Hepatike: Alkooli njihet gjerësisht se ka efekte të rëndësishme në mëlçi. Sëmundja alkoolike e mëlçisë. Kjo sëmundje përfshin hepatitin alkoolik, cirrozën dhe mëlçinë e yndyrshme.
- Sistemi nervor qëndror: Kjo mund të rezultojë në dëmtim të konsiderueshëm të trurit. Mund të vihen re dëmtime të trurit, lezione dhe anomali të tjera.
- Kardiovaskulare: Sëmundje të zemrës, Goditje në tru, Hipertension.
- Psikiatrike: Depresion, Ankth, Kriza paniku, Skizofreni.
- Riprodhuese: Alkooli njihet si teratogjen. Kjo do të thotë se mund të prodhojë defekte të lindjes kur përdoret nga gratë shtatzënë.
- Pankreatit kronik.
- Shtim i rrezikut të disa llojeve të kancerit, si kanceri orofaringeal dhe i ezofagut.
Ndihma dhe trajtimi i alkoolizmit
Lënia e alkoolit mund të jetë shumë e vështirë në planin afatgjatë, pasi tundimi ndaj tij është pothuajse gjithmonë i pranishëm, pavarësisht se ku ndodheni. Kjo e bën të vështirë ndërprerjen e alkoolit për personat e varur. Kur e kuptojnë këtë, ata e gjejnë veten duke kërkuar trajtimet më të mira për alkoolizmin.
Për fat të mirë ka shumë opsione trajtimi për abuzimin me alkoolin. Këtu përfshihen programet e trajtimit të varësisë nga alkooli. Këto ekzistojnë për t’i bërë të varurit të shëndetshëm e për t’i rikthyer në këmbë dhe janë kurat më efikase për alkoolizmin.
Periudha e detoksifikimit është koha kur personi e ndërpret substancën dhe alkooli pastrohet nga sistemi. Më pas vjen rehabilitimi i abuzimit me alkoolin, i cili synon të trajtojë aspektet më sociale të varësisë dhe të riparojë dëmet e lëna pas. Metoda të ndryshme terapeutike shërbejnë si një mjet për të ndaluar konsiderimin e alkoolit si zgjidhje nga alkoolistët.
Rëndesa e varësisë mund të përcaktojë se sa kohë do të zgjasë shërimi i saj. Në rastet më të lehta ose të moderuara, një program 7-ditor i trajtimit të alkoolit duhet të jetë i mirë për trajtimin e alkoolizmit. Nëse 7 ditë nuk mjaftojnë për kohën e rikuperimit të alkoolit, atëherë janë të disponueshme edhe programe trajtimi 10-ditore.
Fazat e trajtimit të varësisë ndaj alkoolit
Diagnostikimi
Faza e parë dhe e rëndësishme e trajtimit gjatë së cilës vlerësohet gjendja fizike dhe psikologjike e pacientit. Ekzaminimi standard diagnostik për vlerësimin e gjendjes fizike përfshin:
- testi i urinës,
- testet për hepatitin B dhe C, infeksionin e HIV,
- analizat e përgjithshme të gjakut,
- analizat biokimike të gjakut,
- ECG,
- ekzaminim me një internist.
Ekzaminimi standard diagnostik për vlerësimin e gjendjes psikologjike përfshin psikodiagnostikën (testet psikologjike përdoren për të përcaktuar nivelin e varësisë, pasojat e përdorimit të substancave në shëndetin mendor, për të zbuluar shenjat e çrregullimeve psikologjike, praninë e depresionit, shkallën e motivimit për shërim). Pas vendosjes së diagnozës, ekipi i mjekëve shqyrton gjetjet dhe zhvillon strategjinë dhe planin e trajtimit. Nëse ka faktorë rreziku ose ndonjë sëmundje kronike, kryhen teste shtesë dhe përshkruhet terapia. Mund të bëhet MRT, EEG, ekografi, rreze-x, endoskopi, analiza e përqendrimit të barnave, ekzaminimi kardiak, ekzaminimi neurologjik dhe ekzaminimi endokrinologjik. Këto janë të gjitha teste shtesë që nuk përfshihen në çmimin e paketës.
Detoksifikimi
Në varësi të rezultateve të diagnostikimit, për çdo pacient zgjidhet metoda më e përshtatshme e detoksifikimit të organizmit nga alkooli, e cila do të eliminojë më së miri të gjitha simptomat e pakëndshme dhe të rrezikshme të krizës.
Kur dikush konsumon alkool për një kohë të gjatë dhe në sasi të madhe, ai është në rrezik për delir alkoolik dhe kriza pas ndërprerjes së substancës. Prandaj detoksifikimi është vendimtar dhe përfshin jo vetëm infuzione, vitamina, hepatoprotektorë, aminoacide, por edhe kompleksin e preparateve që mbrojnë trurin, normalizojnë punën e zemrës, mëlçisë, veshkave dhe sistemit nervor periferik. Ky program zgjat shtatë ditë.
Psikostabilizimi
Кur sindroma e ndërprerjes kalon, varësia nuk shërohet. Pikërisht në këtë moment zhvillohet faza kryesore e trajtimit në të cilën induktohet një qëndrim negativ ndaj alkoolit dhe alkooli pushon së qeni tërheqës. Kështu pacienti fillon të ndihet rehat kur është esëll. Kjo arrihet përmes procedurave të mëposhtme:
- Terapia aversive bën të mundur krijimin e një neverie ndaj alkoolit në nivelin e nënndërgjegjes dhe një përgjigje negative ndaj erës dhe shijes së alkoolit.
- Terapia N.Е.Т. eliminon çekuilibrin e hormoneve të kënaqësisë të shkaktuar nga alkooli.
- Terapia transair është një procedurë e veçantë që redukton tensionin mendor, nervozizmin, rregullon luhatjet e humorit, oreksin dhe pagjumësinë. Kjo terapi çon në normalizimin e funksioneve të hemisferës së trurit.
- Psikoterapia
Bllokada farmakologjike në formën e Disulfiramit është planifikuar në përfundim të trajtimit. Bllokada është një komponent thelbësor që ruan rezultatet e trajtimit. Disulfirami është një medikament i cili ekziston në formën e tabletave, implanteve dhe injeksioneve e shkakton një reagim të pakëndshëm tek pacienti kur konsumon alkool. Rekomandohet që pacientët të mbrohen me Disulfiram për 12 muaj.
Mbështetja ambulatore kundër recidivës
Ёshtë thelbësore që trajtimi të jetë plotësisht efektiv. Pacienti dhe familja e tij duhet të jenë në kontakt me spitalin për të paktën një vit. Është e nevojshme të respektohen rregullat e trajtimit ambulator, të ndryshohet mënyra e jetesës, të merret terapia e përshkruar dhe të kryhen rregullisht ndjekjet mjekësore.
Si të nisësh trajtimin për abuzimin ndaj alkoolit
Natyra e zakonshme e alkoolit e bën atë një drogë shkatërruese për të krijuar varësi. Edhe për të varurit që përpiqen të ndalojnë prirjet alkoolike, mund të jetë e vështirë. Marrja e ndihmës për alkoolizmin do të kërkojë përkushtim dhe këshillim për abuzimin me alkoolin. Ka programe të trajtimit të çrregullimeve të përdorimit të alkoolit që mund ta ofrojnë këtë për alkoolistët. Gjetja e një programi të trajtimit të alkoolit është hapi i duhur për t’u ndërmarrë, dhe me këtë, një i varur mund të jetë në rrugën e tij drejt një jetese të shëndetshme.
