Mbidoza e metamfetaminës dhe trajtimi i varësisë ndaj saj

Mbidoza e metamfetaminës është lehtësisht e mundur. Droga prodhohet shpejt nga kimikate lehtësisht të arritshme, të cilat kanë ҫuar në abuzimin global të saj. Gjithashtu, mbidozimi mund të ndodhë në përdorues që e konsumojnë drogën për herë të parë, duke qenë se marrja e një sasie të lartë të saj është e thjeshtë. Për shkak të mbidozimit mund të përjetohet shtim i ritmit të zemrës, presion i lartë gjaku dhe temperaturë e lartë trupore. Më vonë mund të shkaktojë goditje në tru, infarkt në zemër dhe vdekje.

Megjithatë ka një lajm të mirë. Proҫesi i quajtuar detoksifikim nga metamfetamina është i dobishëm për ata që vuajnë nga varësia. Duke qenë se mbidoza me metamfetaminë mund të ketë efekte anësore mendore dhe fizike, zgjedhja e rrugës drejt shërimit do të ishte shumë e dobishme. Varësia kronike dhe afatshkurtër nga metamfetamina mund të shkaktojë efekte afatshkurta dhe afatgjata. Ky artikull do t’ju informojë mbi metamfetaminën, simptomat e saj, trajtimin e shumë më shumë tema të tjera.

Metamfetamina është një stimulant i sistemit nervor që krijon varësi të fortë dhe prodhon efekte të ngjashme me metilfenidatin tek përdoruesit. Në individë specifik mund të shkaktojë varësi që në përdorimin e parë. Disa emra të tjerë me të cilët njihet metamfetamina jashtë sektorit të shëndetësisë janë shpejtësi, akull apo kristal.

Një sasi e madhe metamfetamine vjen nga importi apo laboratorët ilegal. Në shumicën e rasteve, produkti gatuhet në “sobë” apo në laboratorë shtëpiak me standarte të ulta. Në disa vende droga prodhohet nga individë të pakualifikuar e ndonjëherë me mjete të gradës së lartë. Një nga përbërësit kryesorë të metamfetaminës është pseudoefedrina ose efedrina që ndodhet në medikamentet e gripit apo kollës.

Këto shenja specifike mund të vihen re tek vetja apo tek dikush tjetër kur ka ndodhur një toksikim apo mbidozim me metamfetaminë. Disa prej tyre janë më të zakonshme se të tjerat. Megjithatë duhet ditur se kjo drogë vepron duke shtuar aktivitetin e neurotransmetitorëve në tru.

Përdorimi i metamfetaminës mund të shkaktojë rritje të serotoninës, norepinefrinës dhe siҫ u përmend më parë, të dopaminës në tru. Kur shtohet aktiviteti i neurotransmetitorëve të trurit, shkaktohet një nxitje e shpejtë e humorit dhe energjisë. Duhet marrë parasysh që simptomat e mbidozimit me metamfetaminë janë të njëjta me efektet afatshkurtra të saj. Më poshtë listohen disa shenja dhe simptoma që mund të manifestohen për shkak të një mbidoze.

Në rastin e një mbidoze, gjendja e rënduar mendore mund të përfshijë irritimin, idetë e vetvrasjes dhe episodet psikotike. Ndonjëherë, përdoruesit mund të kenë kriza apo të bien në koma. Mbidozimi kronik i metamfetaminës, i cili ndodh në përdorim me kohë të gjatë, shfaq simptoma si ankthi, shqetësimet e rënda të gjumit, shpërthime të dhunshme dhe ndryshime ekstreme të humorit.

Metamfetamina shkakton efekte afatshkurtra dhe afatgjata, të cilat duhen mbajtur parasysh. Në shumicën e rasteve kur droga tymoset apo injektohet, ajo rrit presionin e gjakut dhe ritmin e zemrës, gjë e cila nxit neurotransmetuesit e trurit. Megjithatë, kur metamfetamina merret nga hunda, krijon ndjenjën e euforisë. Ndërkohë, efekti i saj kur merret nga hunda ndryshon nga efekti kur injektohet apo tymoset.

Fluksi i dopaminës nuk ndodh pas marrjes nga hunda. Kur “fluksi” ndodh, efektet anësore të metamfetaminës mund të zgjasin nga tetë deri në njëzetë e katër orë. Një nga impaktet më domethënëse të përdorimit të metamfetaminës është se sa gjatë mund të durojnë përdoruesit pa gjumë. Shpesh, përdoruesit përjetojnë ҫrregullime të rënda të gjumit e mund të qëndrojnë zgjuar për disa ditë. Në disa raste, insomnia mund të lidhet me kënaqësinë dhe me efektet e tjera stimuluese. Më poshtë paraqiten në tabelë efektet e metamfetaminës:

Efektet afatgjata mund të vazhdojnë pavarësisht ndërprerjes së drogës.Gjithashtu, përdorimi i kësaj droge mund të shtojë rrezikun e hepatitit B, HIV, hepatitit C dhe sëmundjeve të tjera të transmetueshme përmes gjakut. Përse është e mundur kjo? Në shumicën e rasteve, përdoruesit e metamfetaminës i ndajnë shiringat me të tjerët duke u ekspozuar ndaj infeksioneve virale.

Përdoruesit e metamfetaminës kanë rrezik të lartë varësie ndaj kësaj droge. Varësia prej saj ndodh kur përdoruesve ju duhet të rrisin vazhdimisht sasinë e drogës për të arritur gjendjen e toksikimit me metamfetaminë. Kjo veprimtari ndodh për shkak të përdorimit të përsëritur të drogës, i cili shton tolerancën trupore. Në këtë fazë, përdoruesi është në kufirin e mbidozimit për shkak të konsumimit të lartë të metamfetaminës.

Ndonjëherë, individët e varur kanë tendencë ta kombinojnë drogën me substanca të tjera për të ulur tolerancën dhe për të qëndruar më gjatë nën efektin e saj. Disa substanca të rrezikshme dhe të zakonshme që nuk duhen kombinuar me metamfetaminë përfshijnë alkoolin, heroinën dhe GHB.

Fatmirësisht ka mënyra legjitime që të varurit nga amfetamina të kërkojnë ndihmë. Me këto kura, përdoruesit mund të kenë një probabilitet të lartë rikuperimi.

Sipas National Institute on Drug Abuse (NIH), terapia e sjelljes, këshillimi individual dhe familjar janë mënyra efektive për të trajtuar shenjat e varësisë nga metamfetamina. Disa hapa trajtimi përfshijnë:

Fatkeqësisht, mbidoza me metamfetaminë ndodh në një përqindje të lartë njerëzish. Mbidoza e metamfetaminës shfaq shenja dhe simptoma tepër të dallueshme. Kërkimi i ndihmës është vendimtar sapo vërehen efektet e menjëhershme të përdorimit të metamfetaminës. Shembuj të metodave trajtuese janë trajtimi ambulator, spitalor apo detoksifikimi.