Trajtimi i Varësisë ndaj Heroinës – Të Heqësh Dorë nga Varësia

Heroina jo vetëm që shkakton varësi shumë të lartë, por gjithashtu është shkaktare e një sërë sëmundjeve serioze që e bëjnë atë edhe më të rrezikshme. Gjithashtu, përdorimi i saj për kohë relativisht të shkurtër, mund të ketë pasoja të rënda.

Ky artikull do t’ju informojë mbi varësinë ndaj heroinës dhe efektin e saj në shëndetin e njeriut. Gjithashtu, do t’ju informojë mbi trajtimin e varësisë së saj dhe rehabilitimit.

Ҫfarë është varësia ndaj heroinës?

Varësia ndaj heroinës është nevoja fizike dhe fiziologjike për këtë drogë. Heroina krijon varësi të lartë, e cila shndërrohet në problem serioz edhe për individët që e përdorin për pak kohë.

Një individ i varur e ka të vështirë shkëputjen prej saj për shkak të nevojës për të dhe simptomave të ndërprerjes. Pikërisht për këto arsye, shumë abuzues të heroinës, të cilët po përpiqen të heqin dorë prej saj, kanë tendencë të lartë për t’ju rikthyer. Zgjidhja e vetme për trajtimin e varësisë nga heroina është drejtimi tek një qendër profesionale që trajton varësinë ndaj saj.

Cilat janë simptomat dhe shenjat e varësisë ndaj heroinës?

Ka disa shenja dhe simptoma të varësisë ndaj heroinës të cilat mund të vihen re tek një individ i dyshuar. Shumë prej tyre lidhen me efektet e drogës në trup apo me efektet anësore të përdorimit të saj përmes mënyrave të posaҫme të administrimit. Këtu përfshihen shenjat e mëposhtme fizike:

• Pupila të ngushtuara apo të vogla
• Të përziera
• Të vjella
• Kruarje
• Reduktim i ritmit të frymëmarrjes
• Lëkurë e skuqur
• Konfusion
• Përgjumje e papritur
• Konstipacion

Mund të vëzhgojmë gjithashtu ndryshime të dukshme në jetën e përditshme dhe sjelljen e një individi me varësi. Kjo rrjedh për shkak të mënyrës se si ndikon nevoja e përdorimit të drogës mbi përgjegjësitë dhe marrëdhëniet sociale të tij. Këtu përfshihen si më poshtë:

• Ndryshimet në veshje, si përshembull veshja e rrobave më të gjata për të fshehur shenjat e administrimit
• Ndryshimet në higjenën personale
• Izolimi social
• Nevoja e vazhdueshme për para
• Ndryshimet në humor dhe në sjellje
• Rënia nga pesha dhe neglizhenca e të ushqyerit

Cilat janë shkaqet e varësisë ndaj heroinës?

Varësia ndaj heroinës rrjedh nga veprimi i dopaminës në tru. Heroina është një opioid dhe si substancat e tjera në familjen e saj, lidhet me receptorët e trurit për të nxitur lëshimin e dopaminës, një neurotransmetues që shkakton eufori. Kjo sjell efektin më të lakmuar të kësaj droge nga abuzuesit e saj.

Megjithatë, nëse konsumimi i kësaj drogë vazhdon, truri nuk është më në gjendje të prodhojë sasi dopamine si më parë. Kërkohet përdorimi i heroinës për t’i arritur këto nivele të ngjashme neurotransmetuesi. Ndërkohë që individi i varur vazhdon të abuzojë me këtë drogë, zhvillohet toleranca; pra, duhet të përdoret një sasi më e lartë e drogës për të përfituar të njëjtat ndjesi.

Varësia ndaj heroinës mund të zhvillohet tek ҫdo individ që e konsumon atë. Megjithatë, disa faktorë e shtojnë riskun e varësisë. Këtu përfshihen:

• Predispozita gjenetike për të zhvilluar varësi, e cila mund të vlerësohet përmes historikut të varësisë tek të afërmit e pacientit.
• Episode të mëparshme depresioni apo ankthi
• Historik varësie apo përdorimi të substancave
• Papunësia
• Ekspozimi në ambiente ku përdorimi i drogës është i pa kontrolluar

Cilat janë efektet e përdorimit të heroinës?

Përdorimi i vazhdueshëm i heroinës fillon të shkaktojë efekte të dëmshme në trupin e njeriut. Këto efekte anësore serioze theksojnë rrezikun e varësisë ndaj saj. Këto efekte anësore mund të jenë afatgjata ose afatshkurtra.

Efektet anësore afatshkurtra të përdorimit të heroinës

Rrezikshmëria e abuzimit të heroinës nuk kushtëzohet nga përdorimi i saj për një kohë të gjatë. Më poshtë përmenden disa efekte anësore negative, të cilat mund të shfaqet në mënyrë akute gjatë përdorimit të saj:

• Reduktimi i ritmit të frymëmarrjes
• Reduktimi i ritmit të zemrës
• Të përziera
• Të vjella
• Përgjumje
• Dobësi muskulare dhe lodhje
• Kruarje
• Reduktim i oreksit
• Ulja e funksionit të trurit, njohur gjithashtu si “mjegullim i trurit”

Efektet anësore afatgjata të përdorimit të heroinës

Efektet anësore afatgjata të heroinës vijnë nga efekti toksik i saj, i akumuluar ndër vitesh përdorimi. Mund të jenë gjithashtu të lidhura me metodat e administrimit të drogës dhe rreziqet e tyre. Këtu përfshihen:

Ndarja e materialeve intravenoze të drogës me individë të tjerë të varur prej saj mund të shkaktojë sëmundje infektive. Këtu përfshihet HIV dhe hepatiti. Këto sëmundje mund të shkaktojnë komplikacione si kanceri apo dështimi i organeve, të cilat mund të ҫojnë deri në vdekje. Kjo tregon sa i rëndësishëm është trajtimi i varësisë së heroinës përpara se të jetë shumë vonë.

Mbështetja dhe trajtimi i varësisë nga heroina

Duke qenë se heroina është një nga substancat që shkakton varësinë më të rëndë, heqja dorë prej saj pa asistencë është pothuajse e pamundur. Shpresh herë, simptomat e ndërprerjes së saj dhe nevoja për të e bëjnë të vështirë qëndrimin larg saj.

Fatmirësisht, programet profesionale për trajtimin cilësor të varësisë së heroinës janë të disponueshme. Një program trajtimi nis me detoksifikimin, i cili konsiston në pastrimin e heroinës nga trupi. Në këtë fazë simptomat e ndërprerjes së saj janë më të ashpra. Gjatë kësaj kohe përdoren medikamente për të eleminuar parehatinë e pacientit. Suksesi i rikuperimit nga varësia ndaj heroinës është më i lartë kur ndiqen programe rehabilitime se sa kur varësia luftohet vetëm.

Kohëzgjatja e trajtimit varet nga niveli i varësisë. Për shembull, rikuperimi mund të kërkojë një program trajtimi prej 7 ditësh. Për raste më të rënda mund të kërkohet një program trajtimi 14 ditor.

Pas detoksifikimit dhe menaxhimit të simptomave të ndërprerjes, pacienti i nënshtrohet psikoterapisë, e cila ka si qëllim të përmirësojë ndryshimet sociale dhe ato të sjellës të shkaktuara nga varësia. Kjo fazë mund të zgjasë me vite, por i siguron individit të varur një sistem suporti për të garantuar vazhdimësinë në rrugën e duhur. Rehabilitimi shërben si platformë për t’i rikthyer pacientit një jetë normale.

Fazat e trajtimit të varësisë ndaj heroinës

1. Diagnostikimi

Kjo është faza e parë dhe e rëndësishme e trajtimit. Kjo fazë ka si qëllim të vlerësojë gradën e varësisë, nivelin e shëndetit fizik dhe mendor të pacientit, prezencën e efekteve anësore të drogës, gradën e motivimit, autokritikës dhe konservimit të mekanizmave vullnetare. Plani i trajtimit, kohëzgjatja e tij, zgjedhja e detoksifikimit, korrigjimi psikologjik, bllokada dhe metodat e rehabilitimit varen nga rezultatet e diagnostikimit.

Ekzaminimet standarte diagnostikuese përfshijnë:

• Testi për hepatitin B dhe C, testi për infeksionin HIV
• Analiza e përgjithshme e gjakut
• ECG
• Ekzaminimi nga mjeku intern
• Testet biokimike të gjakut (funksioni i mëlҫisë, veshkave dhe pankreasit)

Në rast të anomalive të rënda në ekzaminime, prezencës së faktorëve të riskut dhe sëmundjeve kronike, një mjek specialist do të përfshihet për të përcaktuar ekzaminime shtesë dhe për të vendosur terapinë në lidhje me sëmundjet shoqëruese. MRI, EEG, ultrasound, X-ray, endoskopia, medikamentet, analiza e përqëndrimit të drogës, ekzaminimet kardiologjike, neurologjike, endokrinologjike dhe infeksioniste janë të disponueshme në klinikën tonë ose në marrëveshje me klinikat dhe laboratorët tanë partnerë.

2. Detoksifikimi

Anestezia e përgjithshme në të cilën vendoset pacienti gjatë detoksifikimit e bën këtë proҫes të shpejtë dhe pa dhimbje. Të gjitha simptomat e krizës do të reduktohen me 90% ose do të zhduken sapo të përfundojë terapia. Gjatë gjumit, trupi i pacientit do të përthithi vitamina, aminoacide, minerale dhe të tjerë nutrientë vital përmes infuzioneve. Ata do të zgjohen pa sintoma të ndërprerjes si dhimbja, dridhjet, tremori dhe te përzierat. Më e rëndësishmja është që pacienti do të lërë pas pjesën më të vështirë.

• UROD – Detoksifikimi ultra i shpejtë është metoda më efektive dhe moderne, e cila e pastron trupin shpejt dhe në të njëjtën kohë redukton simptomat e pakëndëshme të krizës. Aplikohet ekskluzivisht kur nuk ka kundraindikime të përdorimit të saj, të cilat përcaktohen gjatë diagnostikimit. Gjatë detoksifikimit ultra të shpejtë, pacienti është nën anestezi për 6-8 orë në ditë, i administrohen antagonistë të opiatëve, të cilët ndihmojnë receptorët të shkëputen nga opiatet. Zakonisht administrohet nalokson ose naltrekson. Qëllimi i detoksifikimit ultra të shpejtë është të mposhtë simptomat e pakëndëshme përmes gjumit gjatë të cilit nuk ndihet dhimbja. Në zgjim, pjesa më e madhe e krizës ka kaluar ose të paktën është reduktuar në mënyrë të konsiderueshme. Në proҫesin e detoksifikimit nevojiten 2-3 proҫedura të tilla.
• N.E.T – Terapia Neuro-Jet është një nga metodat që përdoren për të influencuar përmes impulseve speciale qelizat e trurit, të cilat sekretojnë endorfina. Neuronet tona prodhojnë opioid natyral që na mbron nga stresi, dhimbja dhe shoku. Tek individët e varur, ky proҫes është i disekulibruar. Neuro Jet është një pajisje e vogël elektronike që rregullon prodhimin e dopaminës dhe endorfinës. Stimulimi i saj nuk ka dhimbje dhe ndjesitë e vetme rezultuese janë gudulisja dhe vibracionet. Ndërkohë, frekuenca dhe intensiteti i impulseve është i kontrolluar me kompjuter.
• Farmakoterapia është një formë detoksifikimi e cila largon simptomat e krizës dhe siguron mbrojtje nga dhimbja. Psikostabilizuesit, hipnotikët dhe antidepresantët përdoren për të trajtuar irritimin, disforinë, ndryshimet e humorit, nervozizmin dhe pagjumësinë. Duke qenë se nutricioni shpesh herë ҫrregullohet tek individët e varur, administrohen fermentues që nxisin konsumimin e ushqimit, aminoacideve dhe vitaminave.
• Terapia transair është një proҫedurë e veҫantë që nxit harmonizimin e funksionit të hemisferave ҫerebrale. Kjo proҫedurë redukton tensionin mendor tek pacientët, eleminon nervozizmin, problemet me depresionin, normalizon gjumin, humorin, oreksin dhe eleminon dëshirën për substanca.

3. Trajtimi i varësisë psikologjike

Është e nevojshme të eleminohet dëshira për substanca në nivel subkoshience. Për këtë arsye aplikohet terapia e informacionit. Ndërkohë që pacienti ndodhet në gjendje gjumi klinik, shpenzon disa orë nën ekspozimin e stimujve audio-vizual përmes kompjuterit, kufjeve dhe syzeve të veҫanta, prej të cilave transmetohen sinjale me frekuencë të lartë. Në koshiencë ne hasemi me një bllokadë mendore që shfaqet përmes mendimeve si “Unë nuk jam i varur nga droga”; “Unë nuk kam nevojë për këtë gjë dhe kjo gjë nuk më ndihmon”. Duke përdorur këtë metodë, informacioni në formën e imazheve të shkurtra e goditëse punon në nivelin e subkoshiencës dhe përmirëson vlerën dhe kualitetin e perceptimit. Rezultati final është indiferenca dhe formimi i një pëqasjeje negative ndaj substancave.

Psikoterapia familjare konsiston në një formë terapie ku terapisti punon me të gjithë familjen apo me pjestarë të zgjedhur të saj. Familja është një sistem unik social, e cila ka rregullat e saj specifike të funksionimit. Terapia familjare është një konsulencë psikologjike që fokusohet në zgjidhjen e problemeve në marrëdhëniet familjare, eleminon konfliktet mes partnerëve dhe arrin funksionimin harmonik të familjes. Varësia është sëmundje e të gjithë familjes e jo vetëm e individit. Për këtë arsye, klinika e thekson rëndësinë e punës me familjen si pjesë të trajtimit.

Terapia individuale konsiston në punën individuale të terapistit me pacientin gjatë të cilës pacientit i sigurohet mbështetje dhe ndihmë psikologjike. Terapia ndihmon me probleme të ndryshme të jetës, depresionin, ҫrregullimin post-traumatik, varësinë, ҫrregullimet e personalitetit, traumës psikologjike, parehatisë emocionale dhe vuajtjes.

4. Fizioterapi

Konsiston në kombinimin e terapisë fizike mjekësore dhe masazhit të thellë të indeve. Masazhi qetëson, relakson trupin dhe stimulon prodhimin e dopaminës tek pacienti, niveli i të cilës është reduktuar për shkak të përdorimit të drogës.

5. Bllokada farmakologjike

Proҫesi i trajtimit plotësohet me bllokadën farmakologjike, e cila jepet në formë implanti, zakonisht Naltrekson. Receptorët e opiatëve të pacientit bllokohen nën influencën e Naltreksonit dhe përdorimi i drogës nuk ҫon në eufori apo eksperienca të ngjashme me të, duke siguruar mos rikthimin tek substancat. Terapia me Naltrekson praktikohet në pacientët që e kanë kryer detoksifikimin ndaj opiatëve. Ne i këshillojmë pacientët të mbrohen përmes impianteve të paktën deri në 12 muaj pas largimit nga spitali. Ҫmimi për këtë trajtim përfshin implantin e Naltreksonit për dy muaj ose dy injektime në dy muaj.

6. Trajtimi ambulator

Në mbajtjen e rezultatit të trajtimit dhe performohet brenda vitit pasardhës. Gjatë vizitave mujore kontrollohet gjendja e pacientit dhe nëse është e nevojshme ri-përshtatet terapia. Ndjekja e vazhdueshme 12 mujore përfshihet në ҫmimin e trajtimit.

Në rast nevoje, ne ofrojmë shërbim transporti për pacientin nga aeroporti apo stacioni në spital dhe e kundërta. Nëse është e nevojshme, ne i ofrojmë ndihmë pacientëve të huaj në marrjen e vizës dhe nëse kanë shoqërues, ofrojmë akomodimin e tyre në spital.

Si të nisim me trajtimin e varësisë nga heroina?

Varësia ndaj heroinës mund të jetë shkatërruese. Jo vetëm që është e rrezikshme për shëndetin, por mund të shkatërrojë jetën e pacientit e të familjes së tij. Është e rëndësishme të trajtohet kjo varësi përpara se të zhvillohet më tej. Rehabilitimi për varësinë ndaj heroinës është hapi i duhur. Për të nisur udhëtimin drejt një jete të pastër e të lirë nga droga, kontakto specialistët e qendrës së trajtimit të varësisë nga heroina. Ndihma për varësinë ndaj saj ndodhet pranë jush.